Molbuch „Callot / Mansfeld“ fir Jonk an Al

De Comité Alstad freet sech matzedeelen, datt d’Molbuch „Lëtzebuerg Alstad“, produzéiert vum Alstad Comité an enker Zesummenaarbecht mat de „Frënn vum Mansfeld-Schlass“ an zwou Wochen erauskënnt.

De Lëtzebuerger Szenograph, Kalligraph, Designer a Moler Gilles Becker, deen zu Wien établéiert ass, huet de Panorama vu 1753 vum Wenzel von Callot gescannt, vectoriséiert an deelweis nei gezeechent. Hien huet och zéng Usiichten aus dem dräidimensionale Modell vum Schlass vum Peter Ernst von Mansfeld ausgewielt a préparéiert, fir se faarweg ze molen.

Déi monumental an aussergewéinlech Vue op d’Stad an d’Festung vu Lëtzebuerg am Joer 1753 vum Wenzel von Callot, am ganzen 213 cm x 35,3 cm, gouf 2018 vum Fuerscher Georg Kabierske an de Sammlunge vun der Albertina zu Wien entdeckt. D’Originalwierk aus den Albertina- Sammlungen zu Wien wor vum 23. Januar bis den 19. Abrëll 2020 am Lëtzebuerg City Museum ausgestallt.

Duerch d’Integratioun vun de Pläng vun de Gäert an der Landschaft vum Mansfeld-Schlass am „Sketchup“-Format, konnt en 3D Modell vum Schlass „La Fontaine“, dat de Peter Ernst de Mansfeld vu 1563 un a Clausen baue gelooss huet, fir d‘Frënn vum Mansfeld-Schlass – ACM entstoen.

D’Buch „Lëtzebuerg Alstad“ ass:

– e Molbuch vu 56 Säiten, eeseiteg gedréckt op 140 gr Offsetpabeier. Wäiss, am Format 29 x 22 cm, längelzeg, mat véierfaarwegem Deckel                   op beschichtem 300 gr Kartong mat gepechtem Réck.

– mat Erklärungsnotizen op Franséisch, Däitsch an Englesch mat ongeféier zwanzeg schwaarz/wäiss Illustratioune fir ze bemolen,  

 op Basis vun der „Panoramavue vu Lëtzebuerg vu 1753 ”an   

 der 3D(dreidimensionaler) Rekonstruktioun vum Mansfeld-Schlass a

 Clausen.

D’Molbuch „Lëtzebuerg Alstad“ gëtt fir 15 € verkaf vum Comité Alstad, 14, rue Sigefroi, L- 2536 Luxembourg / BP 830, L-2018 Lëtzebuerg  comite.alstad@pt.lu  Telefon 46 61 88 .

De Comité Alstad ass iwwerzeegt, datt dës spillerech a pädagogesch Editioun de Spektrum vun touristesch-historesche Publikatioune beräichert, a Jonk wéi Al wäert begeeschteren, dës Usiichten ze fierwen an d’Geschicht vun onser Haaptstad besser kennenzeléieren.

Emaischen 2021

Eimaischen

Eng flott Doku zur Emaischen fannt der op:
http://www.iki.lu/post/show/3

Videokonferenz Emaischen.

Haut den Owend ab 18h00 kennt dier online d’Emaischen matverfolgen. Dest op folgender Websait:

Hei den Video zuer Konferenz:

Teaser LuxLumen März 2020

Teaser Video zum LUXLUMEN Projet!

Seite 2 von 5

Präsentiert von WordPress & Theme erstellt von Anders Norén