Platto Lëtzebuerger Gebräicher,
3D Peckvillchen
3D Peckvillchen
Et wor virgesinn dass en seng Bestellung am Zäitraum vum
4. Mee bis den 8. Mee 2020 bei ons am Büro géint ofhuelen.
Mir sinn awer gezwongen wéinst der Covid-19-Pandemie onse Büro nach zou ze lossen.
Esoubal mir de Büro erëm kënnen opmachen gi dier schrëftlech informéiert wéini dass dier är Bestellung kënnt bei ons ewechhuelen.
Merci fir ärt Versteesdemch a bis geschwënn
Äre Comité Alstad
Elo kënnt Dier d’digital Éimaischen entdecken op:
Schéi Feierdeeg a bleiwt gesond !
Wéint der Ausbreedung vum Corona-Virus ka bekanntlech dëst Joer leider keng Éimaischen um Fëschmaart stattfannen.
D’Éimaischen ass en Deel vum immaterielle Kulturierwen zu Lëtzebuerg. Dat immateriellt Kulturierwen ass awer wuel lieweg, well et vill Mënschen an Associatioune gëtt, déi ons Traditiounen um Liewen halen, an déi ons sou e Gefill vun Identitéit a Kontinuitéit vermëttelen.
Aus dësem Grond huet de Comité Alstad wëlles, zesumme mat der Stad Lëtzebuerg, der Lëtzebuerger Unesco-Kommissioun, dem Kulturministär an dem Centre national de l’audiovisuel (CNA), an der Photothéik vun der Stad Lëtzebuerg, eng virtuell Éimaischen am Kader vu 25 Joer Lëtzebuerg patrimoine mondial op d’Been setzen.
Mee dofir brauche mir Är Hëllef! Dofir wëllen mir en drengenden Appel un all déi Leit riichten, déi Filmmaterial, Videomaterial a Fotoen vun Éimaisercher um Fëschmart aus fréiere Joeren hun, ons dat zur Verfügung ze stellen, fir se op www.iki.lu, www.vdl.lu an op de sozialen Netzwierker der Stad, der Comité Alstad an d’Lëtzebuerger UNESCO-Kommissioun ze publizéieren. Adresséiere kann een daat Material op folgend Email-Adressen: comite.alstad@pt.lu oder guyjourdain12@gmail.com
Péckvillecher an aner Erënnerungsstécker kritt een elo schons an bis Ouschterméinden an dem Online Shop vum Comité Alstad. Och invitéiere mer Iech, den 13. Abrëll eng Foto vun Ärem schéinste Péckvillchen vun doheem aus ze deelen mat den Hashtags: #MyPéckvillchen #MäiPéckvillchen #DigitalÉimaischen #DigitalIKI
Besichen Si eis op Facebook!
Wien huet Filmmaterial, Videomaterial a Fotoe vun Eemaiserscher an der Alstad aus fréiere Joren a ka se zu Verfügung stellen?
Extrem vill Manifestatiounen, Evenementer a Fester musse wéinst dem Coronavirus ofgesot ginn, dovunner bleift och déi traditiounsräich Eemaischen net verschount.
Ma obwuel d’Eemaischen dëst Joer wäert ausfalen, huet de Comité Alstad wëlles en virtuell Versioun vun der Eemaischen op d’Been ze stellen. Fir dëst kënnen ze maachen, freet de Comité zesumme mat der Lëtzebuerger Unesco-Kommissioun an dem CNA d’Hëllef vun de Leit dobaussen.
Wien nach doheem Filmmaterial, Videomaterial oder Fotoe vun Eemaiserscher an der Alstad aus fréiere Joren huet, kann dëst dem Comité zur Verfügung stellen an esou eventuell, natierlech mat Copyright, Deel vun dësem flotte Projet ginn.
Adresséiere kann een dat Material op folgend Email-Adressen : comite.alstad@pt.lu oder guyjourdain12@gmail.com
